23:20
Dotto
Kahindi, Paris, Ufaransa
Tanzania
inahitaji kiasi cha dola za Kimarekani 65 bilioni sawa na bilioni 140 kwa mwaka
kwaajili ya kutekeleza mchango wake wa kila nchi katika juhudi za dunia za
kukabiliana na mabadiliko ya tabianchi (Intended Nationally Determined
Contributions – INDCs).
 |
| Balozi wa Tanzania nchini Ufaransa Begum Karim Taj katika picha na Mwandishi wa blog ya Modewdj Andrew Chale |
Akizungumza
wakati wa Mkutano wa Kimataifa wa Mabadiliko ya Tabianchi COP21, Jijini Paris,
Ufaransa, Balozi wa Tanzania nchini Ufaransa Begum Karim Taj ambaye pia
alimwakilisha Rais wa Jamhuri ya Muungano wa Tanzania John Pombe Magufuli
anasema kuwa mabadiliko ya tabianchi yameathiri
rasilimali nyingi za taifa jambo linalohitaji fedha kukabiliana nayo.
Anasema
mbali na athari za kuongezeka kwa kina cha bahari na kumeza baadhi ya visiwa,
kuyeyuka kwa barafu wa Mlima Kilimanjaro, Ukame na Ukosefu wa maji vimechangia
kushuka kwa pato la taifa kwa wastani wa asilimia moja kwa mwaka.
“Wakati
wa kuandaa INDCs tumeona ni kwa namna gani mabadiliko ya tabianchi yamechangia
katika kushuka kwa pato la taifa, ili kukabiliana na changamoto hii tunahitaji
kiasi cha fedha kisichopungua usd 500 milioni” anasema Taj
Hata
hivyo anasema kuwa pamoja na uwezo wake mdogo kifedha Tanzania imefanikiwa
kuchukua hatua za makusudi kukabiliana na mabadiliko ya tabianchi na kwamba
wako tayari kufanya mengi zaidi endapo watapata msaada wa fedha, teknolojia na
kujengewa uwezo.
Tanzania
ikiwa na na hifahdi ya zaidi ya 53.28 trillioni cubic feet ya gesi,pamoja na nishati
nyingine mbadala kama sola, upepo
imejikita katika kutumia nishati hiyo ambayo inachangia kwa kiasi kidogo
uazalishaji wa hewa ukaa huku ikitoa uhakika wa nishati ya umeme kwa maendeleo
ya uchumi wake.
Katika
upande wa kuounguza makali ya mabadiliko ya tabianchi (Mitigation) Tanzania
inahitaji kiasi cha dola bilioni 60 kwa mwaka hadi kufikia mwaka 2020.
Tanzania
yenye hifadhi ya misitu ya ukubwa wa hekari milioni 48, sawa na ujazo wa 9.032
trilioni ya tone za kaboni, hivyo kuwa na hifadhi kubwa ya kaboni jambo ambalo
inaamini ni mchango mkubwa katika kupunguza hewa ukaa.
“Ukiangalia
INDCs yetu, utekelezaji wake unategemea sana namna ambavyo mataifa
yaliyoendelea yatakavyotekeleza mahitaji kama tulivyoyanisha ambayo ni msaada
wa fedha na teknolojia” anasema Taj
Anasema
masuala ya maji, kilimo na mambo ya bahari ni vipaumbele vikuu kwenye INDCs na
kwamba hawawezi kuyatekeleza kwa kutegemea nguvu yao pekee bila msaada wa
mataifa yaliyoendelea.
Hivyo
tunaomba mataifa yaliyoendelea kutekeleza ahadi zao kwa kusaidia utekelezaji wa
INDCs kama makubaliano yalivyo kupitia Least Developed Country Fund, Adaptation
Fund na
Green Climate Fund
Taj
anasema “Makubalino ya Paris yasiwe mzigo kwa nchi za Kiafrika ambazo bado
zinajukumu kubwa la kupunguza uamsikini kwa wananchi wake, bali makubaliono yawe
chachu ya maendeleo kwa nchi zinazoendelea”
